52, Municipal Ind. Estate,
Dainik Shivner Marg,
Worli, Mumbai - 400018 (India)
मराठी माणसांच्या घरासाठी मुंबईत ५० टक्के आरक्षण देऊ - उद्धव ठाकरे
Santosh Gaikwad June 28, 2024 09:22 AM
मुंबई, दि.२७ः मुंबईवर मराठी माणसाचा अधिकार आहे. त्यामुळे प्रत्येक मराठी माणसाच्या घरासाठी मुंबईत ५० टक्के आरक्षण मिळायलाच हवे. आमचे सरकार सत्तेत आल्यास, तातडीने या संदर्भातील निर्णय घेऊ, अशी ग्वाही शिवसेना (ठाकरे) पक्षप्रमुख यांनी गुरूवारी पत्रकार परिषदेत दिली. पालकमंत्री मंगलप्रभात लोढा यांनी लोढा टॉवरमध्ये ५० टक्के आरक्षण ठेवावे, असा टोला लगावला.
मुंबईसाठी मराठी माणसाने लढा दिला. रक्त सांडून मराठी माणसाने मुंबई मिळवली. त्यामुळे मराठी माणसाचा पहिला अधिकार मुंबईवर आहे. राज्यात महाविकास आघाडीचे सरकार सत्तेवर येताच मराठी माणसांच्या घरासाठी ५० टक्के आरक्षण ठेवणार आणि तसा शासन निर्णय तातडीने घेऊ, असे ठाकरे यांनी स्पष्ट केले. महाविकास आघाडी सरकारच्या काळात मराठी भाषा सक्तीची केली. दुकानांवर मराठी फलक सक्तीचे केले. गिरणी कामगारांना घर मिळावे, म्हणून आजही आग्रही आहोत. गद्दारी करुन सरकार पाडले नसते तर आम्ही मराठी माणसांच्या घरासाठी आरक्षण केलेच असते, असे ठाकरेंनी म्हटले. मुंबईत मराठी माणसाला घर मिळायलाच हवा. भाजपकडे पालकमंत्री मंगलप्रभात लोढा सारखे विकासक आहेत. मुंबई महानगर पालिकेतून कारभार चालवतात. त्यामुळे मुंबईतील मराठी माणसासाठी त्यांनी ५० टक्के आरक्षण ठेवावे, असा टोला लगावला.
विधानसभा निवडणूक तोंडावर आल्याने मुख्यमंत्री पदाचा चेहऱ्यावर महायुती आणि महाविकास आघाडीत जुंपली आहे. महायुतीने आघाडीने मुख्यमंत्री पदाचा चेहरा जाहीर करावा, असे आव्हान दिले. ठाकरेंनी यावर भाष्य केले. लोकसभा निवडणुकीत पराभूत झाल्यानंतर महायुतीतील पक्ष एकमेकांकडे अंगुलीनिर्देश करत आहेत. त्यांच्यातील अपयशाचे धनी समोर येऊ दे, असा टोला लगावला. तसेच महाविकास आघाडीकडे महाराष्ट्र हाच मुख्यमंत्री पदाचा चेहरा असल्याचे स्पष्ट केले.
विधान परिषदेच्या निवडणुकीत उमेदवार देणार
उद्धव ठाकरे यांना ४२ आमदारांनी सोडून शिंदेंच्या सेनेत सामील झाले. विधान परिषदेतील नीलम गोऱ्हे, मनिषा कायंदे, विप्लव बजोरिया, किशोर दराडे, आमशा पाडवी यांनी ठाकरेंना रामराम केला. ठाकरेंकडे विधानसभेत १४ आण परिषदेत ६ आमदार आहेत. अशा स्थितीत विधान परिषदेच्या ११ जागांसाठी १२ जुलैला निवडणूक होणार आहे. या निवडणुकीत शिवसेनेचा (ठाकरे) उमेदवार निवडणुकीच्या रिंगणात असले, असे उद्धव ठाकरेंनी सांगितले. संख्याबळ कमी तरी उमेदवार निवडून इतक्या मताधिक्याचे गणित जुळले आहे. सोडून गेलेल्यांना पुन्हा सोबत घेणार नाही. मात्र, रणनिती आखली असून हालचालीही सुरु केल्याचे ठाकरेंनी सांगितले. त्यामुळे ठाकरे कशा प्रकारे मताधिक्य जुळवणार याकडे राजकीय वर्तुळाचे लक्ष लागले आहे
Search
Social Media
Recent News
'विकसित भारत'चे भारताचे स्वप्न साकार करण्यासाठी SBI जागृती यात्रा 2024 च्या माध्यमातून ग्रामीण युवा उद्योजकांना सक्षम बनवते
Santosh Sakpal November 17, 2024
भारतात पिकलबॉल खेळाचा प्रसार करण्यासाठी 'Bingo!' आणि ऑल इंडिया पिकलबॉल असोसिएशनने केली हातमिळवणी
Santosh Sakpal November 12, 2024
किर्लोस्कर ब्रदर्सचा आर्थिक वर्ष २०२४-२५ च्या दुसऱ्या तिमाहीचा निकाल जाहीर
Santosh Sakpal November 06, 2024
Popular News
'स्कूल कॉलेज आणि लाईफ' द्वारे रोहित शेट्टीचे मराठी चित्रपटसृष्टीत पदार्पण
Santosh Sakpal March 22, 2023
breaking news: महाराष्ट्र भूषण पुरस्काराला गालबोट; सोहळ्यात उष्माघाताचे बळी, सात-आठ जणांचा मृत्यू
SANTOSH SAKPAL April 16, 2023
महापालिकेकडून पाणी शुल्काचा परतावा : अभ्युदयनगर सहकारी संस्थांच्या महासंघाच्या लढ्याला यश !
Santosh Gaikwad April 12, 2023
