महाराष्ट्रासह काही ठिकाणी मतदान प्रक्रियेला विलंब झाला हेाता त्यामुळे मतदानकेंद्राबाहेर रांगेत उभे असलेल्या मतदारांना ६ नंतरही मतदान करण्यासाठी केंद्र सुरू ठेवण्यात आली हेाती मुंबई आणि नाशिकमध्ये मतदान केंद्रावर बराच गोंधळ पहायला मिळाला मुंब्रयात तर चार चार तास मतदारांना रांगेत उभे राहावे लागले त्यामुळे संध्याकाळी ७ नंतरही काही मतदारसंघात मतदान सुरू होतं. मुंबईतील कुलाब्यात ठाकरे गट आणि भाजप पदाधिका-यांमध्ये राडा झाला होता तर अनेक ठिकाणी ईव्हीएम मशीन बंद पडल्याने मतदारांना अर्धा ते पाऊणतास  ताटकळत रांगेत उभे राहावे लागले. 

राज्यातील मुंबईतील सहा मतदारसंघ तसेच भिवंडी नाशिक दिंडोरी धुळे ठाणे कल्याण आणि पालघर या १३ मतदार संघापैकी  कल्याण लोकसभा मतदार संघात सर्वात कमी ४१ ७० टक्के मतदान झालं तर दिंडोरीत सर्वाधिक ५७ ०६ टक्के मतदान झाले. कल्याणातून मुख्यमंत्री एकनाथ शिंदे यांचे सुपूत्र डॉ श्रीकांत शिंदे हे निवडणूक लढवीत आहे त्यामुळे इथल्या निवडणुकडे विशेष लक्ष असतानाच कमी मतदान झाल्याने या ठिकाणी धक्कादायक निकाल लागण्याची शक्यता व्यक्त केली जात आहे.  काही ठिकाणी संध्याकाळी सात वाजेपर्यंत मतदान सुरू होतं त्यामुळे मतदानाची आकडेवारी वाढण्याची शक्यता आहे.