अभिनेते श्री. अशोक सराफ यांच्या हस्ते 'बाईपण भारी देवा' चित्रपटाचा ट्रेलर लॉंच

Santosh Sakpal June 13, 2023 11:19 PM

पुरुषी अहंकार अन् त्याला पुरून उरणाऱ्या बहिणींची गोष्ट

जिओ स्टुडिओज प्रस्तुत आणि केदार शिंदे दिग्दर्शित 'बाईपण भारी देवा' चित्रपटाचा ट्रेलर लॉंच सोहळा नुकताच दिमाखात पार पडला. मराठी चित्रपटसृष्टीतील दिग्गज अभिनेते श्री. अशोक सराफ यांच्या हस्ते 'बाईपण भारी देवा' चित्रपटाचा ट्रेलर लॉंच करण्यात आला. या ट्रेलर लॉंच सोहळ्याला दिग्दर्शक केदार शिंदे, स्टारकास्ट रोहिणी हट्टंगडी,वंदना गुप्ते,दीपा परब चौधरी,शिल्पा नवलकर,सुकन्या कुलकर्णी मोने, गायिका सावनी, संगीतकार साई - पियूष सह सिनेमाची संपूर्ण टीम उपस्थित होती.

केदार शिंदे दिग्दर्शित ‘बाईपण भारी देवा’ हा चित्रपट ३० जून रोजी प्रदर्शित होईल

काही महिन्यांपूर्वीच केदार शिंदे यांनी त्यांच्या या आगामी ‘बाईपण भारी देवा’ या चित्रपटाची घोषणा केली होती. तेव्हापासूनच या चित्रपटाच्या हटके नावामुळे या चित्रपटाबद्दल सर्वांच्या मनात उत्सुकता निर्माण झाली. हा चित्रपट म्हणजे सहा बहिणींची गोष्ट आहे. महाराष्ट्र शाहीर’ चित्रपटाबरोबरच केदार शिंदे यांनी या आगामी चित्रपटाचा टीझर प्रेक्षकांच्या भेटीला आणला होता. तो टीझर प्रेक्षकांना खूप आवडला. त्यामुळे या चित्रपटाचा ट्रेलर कधी प्रदर्शित होणार याकडे सर्वांचे लक्ष लागलं होतं. अखेर या चित्रपटाचा ट्रेलर आज प्रदर्शित झाला आहे.

बाईपण भारी देवा चित्रपटाचा ट्रेलर लाँच झाल्यानंतर प्रमुख पाहूणे म्हणून उपस्थित राहिलेल्या अशोक सराफ यांनी चित्रपटाच्या टीमला शुभेच्छा दिल्या. ते म्हणाले, "चित्रपटातील सहा अभिनेत्रीना एकत्रित पडद्यावर काम करताना पाहणं ही प्रेक्षकांसाठी मोठी मेजवानी आहे. या सगळ्या अभिनेत्रीनी आतापर्यंत जे उत्तम काम अभिनयात केलंय ते खूप मोठं आहे म्हणूनच मी देखील चित्रपट पडद्यावर पाहण्यासाठी उत्सुक आहे. बाईपण भारी देवा चित्रपट बॉक्सऑफिसवर उत्तम कामगिरी करेल, लोकांना हा चित्रपट आवडेल अशी मला आशा आहे."

पारंपरिक मंगळागौर नृत्याचा आनंद कलाकार आणि मिडिया यांनी घेतला. खेळी मेळीच्या वातावरणात बाईपण भारी देवाचा ट्रेलर लाँच सोहळा जोरदार पार पडला. चित्रपटाच्या नावाप्रमाणेच ट्रेलरलाही खूप भारी प्रतिक्रिया मिळत आहेत.

ट्रेलरच्या सुरुवातीला अभिनेत्री वंदना गुप्ते या मंगळागौरीच्या स्पर्धेत भाग घेण्यासाठी चौकशी करताना दिसत आहेत. परंतु मंगळागौर खेळण्यासाठी जोडीला इतर महिलाही हव्यात! आधी काही जणींकडून नकार मिळाल्यानंतर त्या त्यांच्या पाच बहिणींना या मंगळागौरीच्या खेळात सहभागी होण्याबद्दल विचारतात. या मंगळागौरीच्या खेळामुळे या सहा बहिणी एकत्र येतात. प्रत्येकीला त्यांची त्यांची कामं, त्यांच्या त्यांच्या अडचणी असतात. त्यातील एक घटस्फोट घेणार असते, दुसरी संसारात बिझी असते, तिसरी तिच्या कामांमध्ये व्यग्र असते, तर त्यापैकी काहींना त्यांच्या घरातल्या पुरुषांची मर्जी राखून त्यांची स्वतःची कामं करावी लागत असतात. पण अर्ध आयुष्य संपलं आणि आपण स्वतःसाठी जगलोच नाही असं व्हायला नको, असा विचार करून त्या मंगळागौर खेळायचं ठरवतात. मग यावर त्यांच्या नवऱ्यांची काय प्रतिक्रिया असते? या मंगळागौरीच्या खेळामुळे त्या सहा जणींमध्ये नातं कसं तयार होतं? हे सगळं या चित्रपटात पाहायला मिळणार आहे.

जिओ स्टुडियोजचा 'बाईपण भारी देवा' हा चित्रपट प्रत्येक स्त्रीला आता स्वतःसाठी जगायला शिकवणार हे नक्की.. तेव्हा तयार रहा.. केदार शिंदेंचा स्पेशल टच असलेला, सहा गुणी अभिनेत्रींनी चित्रपटात केलेली धमाल, अनुभवायला!

काही महिन्यांपूर्वीच केदार शिंदे यांनी त्यांच्या या आगामी ‘बाईपण भारी देवा’ या चित्रपटाची घोषणा केली होती. तेव्हापासूनच या चित्रपटाच्या हटके नावामुळे या चित्रपटाबद्दल सर्वांच्या मनात उत्सुकता निर्माण झाली. हा चित्रपट म्हणजे सहा बहिणींची गोष्ट आहे. महाराष्ट्र शाहीर’ चित्रपटाबरोबरच केदार शिंदे यांनी या आगामी चित्रपटाचा टीझर प्रेक्षकांच्या भेटीला आणला होता. तो टीझर प्रेक्षकांना खूप आवडला. त्यामुळे या चित्रपटाचा ट्रेलर कधी प्रदर्शित होणार याकडे सर्वांचे लक्ष लागलं होतं. अखेर या चित्रपटाचा ट्रेलर आज प्रदर्शित झाला आहे.

ट्रेलर लिंक -https://youtu.be/Cl6WJlSjads

जिओ स्टुडिओज प्रस्तुत, माधुरी भोसले आणि जिओ स्टुडिओज निर्मित, बेला शिंदे-अजित भुरे सह-निर्मित आणि केदार शिंदे दिग्दर्शित 'बाईपण भारी देवा' हा चित्रपट आपल्या भेटीसाठी सज्ज झाला आहे. 'बाईपण भारी देवा' आता प्रेक्षकांचे भरभरुन मनोरंजन करण्यासाठी सज्ज झाला असून ३० जून, २०२३ रोजी पासून चित्रपटगृहात प्रदर्शित होणार आहे.