चंद्रपुरात १०० वर्षात पहिल्यांदाच असा पाऊस; २४ तासांत २४२ मिमी पाऊस बरसला

Santosh Sakpal July 19, 2023 07:31 PM

चंद्रपूर : चंद्रपूर शहरात मंगळवारला ढगफुटी सदृश्य पाऊस बरसला. या पावसाने शहरवासीयांची दाणादाण उडली. २४ तासात २४२ मिली लिटर पाऊस झाला. या पावसाने शहरातील बहुतांश भाग जलमय झाला. रस्त्यावरून पाण्याचे लोट वाहत होते. रस्त्यांना नदीपात्राचे स्वरूप आले. शेकडो घरात पाणी शिरले.चंद्रपूरचा १०० वर्षाच्या इतिहासातील जुलै महिन्यात झालेला हा सर्वाधिक पाऊस ठरला,असे मत अभ्यासक प्रा. सुरेश चोपणे यांनी सांगितले. मागील काही वर्षातील आकडेवारीच त्यांनी पुढे ठेवली.

चंद्रपुर शहरात मंगळवारला चोवीस तासात २४२ मि.मी. पावसाची नोंद झाली.मंगळवारला पडलेला पाऊस हा १०० वर्षीतील सर्वांधीक पाऊस होता, असे प्रा. सुरेश चोपणे यांनी सांगितले. ह्या पूर्वी हवामान खात्याने जाहीर केलेल्या आकडेवारीत ह्यापेक्षा जास्त पाऊस ऑगस्टमध्ये १४/०८/१९८६ रोजी ३२९ तर सप्टेंबरमध्ये १४/०९/१९५६ रोजी २४९.४ मि.मी.पडला होता. परंतू जुलै महिन्यात मात्र इतका पाऊस कधींच पडला नव्हता. प्रा. चोपणे यांच्याकडे असलेल्या आकडेवारी पुढे देण्यात आली आहे.

१४/०७/१८८४ मध्ये २५४ मि.मी.
०४/०७/२००६ मध्ये २३० मि.मी.
१६/०७/२०१३- १३४ मि.मी.
०४/०७/२०१६- १३० मि.मी.
३०/०७/२०१९- १३२.९ मि.मी.
२४/०७/२०२२- ११२.०८ मि.मी.तर
१८/०७/२०२३ मध्ये २४२ मी.मी.पावसाची नोंद झालेली आहे.

१४/०८/१९८६ -३२९ मिमी
१४/०९/१९५६ -२४९ मिमी.

तर १८ जुलै २०२३ रोजी महाराष्ट्रात महाबळेश्वर येथे २४ तासांत २७६ मिमी तर देशात कत्रा येथे ३१५ मिमी तर पकलदुल येथे २९६ मिमी पाऊस पडला. ह्या अनुषंगाने चंद्रपुर मधील पाऊस महाराष्ट्रात दुसऱ्या तर देशात तिसऱ्या क्रमांकाचा होता, असे चोपणे म्हणाले.