52, Municipal Ind. Estate,
Dainik Shivner Marg,
Worli, Mumbai - 400018 (India)
डोंबिवलीतील धोकादायक कारखाने सुरू ठेवले ; नाना पटोले यांचा सरकारवर गंभीर आरोप
Santosh Gaikwad May 24, 2024 05:07 PM
मुंबई : डोंबिवलीत रासायनिक कारखान्यात स्फोट होऊन ११ लोकांचा मृत्यू झाला व ६० जण जखमी झाले. डोंबवलीत यापूर्वी झालेल्या एका घटनेनंतर महाविकास आघाडी सरकारने हे कारखाने बंद करण्याचे आदेश दिले होते पण त्यानंतर आलेल्या महाभ्रष्ट युती सरकारने पैसे घेऊन ते कारखाने सुरुच ठेवले. लोकांच्या जिविताचे रक्षण करण्याची जबाबदारी सरकारची आहे पण खोके सरकारला गरिबांच्या जीवाचे मोल नाही, जनाची नाही मनाची असेल तर शिंदे-भाजपा सरकारने राजीनामा देऊन मोकळे व्हावे, असे नाना पटोले म्हणाले.
नागपूर येथे पत्रकारांशी बोलताना काँग्रेस प्रदेशाध्यक्ष नाना पटोले पुढे म्हणाले की, राज्यातील सरकार हे असंवैधानिक आहे, या सरकारला सर्वसामान्य जनतेचे काहीही देणेघेणे नाही. गरीब लोकांचे जीव जात आहेत पण त्याकडे सरकारचे लक्ष नाही. दुष्काळाने जनता होरपळत आहे पण सरकार काहीही उपाययोजना करत नाही. पुण्यात धनदांडग्याच्या मुलाने गरिबाच्या दोघांना चिरडले तर निबंध लिहून त्याला सोडून दिले.
राज्यात दुष्काळाची स्थिती अत्यंत गंभीर आहे, काही गावांना महिना महिना पाणी मिळत नाही, जनावरांना चारा नाही, पिण्याचे पाणी नाही. मुख्यमंत्री एकनाथ शिंदे यांनी छत्रपती संभाजीनगरमध्ये दुष्काळ आढावा बैठक घेतली पण या बैठकीला ५ पालकमंत्री गैरहजर होते यातूनच सरकार दुष्काळावर गंभीर नाही हे स्पष्ट दिसते. मुख्यमंत्र्यांनी जागेवरच आदेश द्यायला पाहिजे होते पण केवळ बैठकीचा सोपस्कार पूर्ण केला. सरकारने आचार संहितेचे बहाणे करुन टाळाटाळ करू नये, तातडीने जनावरांना चारा, पिण्याचे पाणी व लोकांच्या हाताला काम उपलब्ध करून द्यावे, अशी मागणी पटोले यांनी केली आहे
नवीन अभ्यासक्रमासंदर्भात पत्रकारांनी विचारलेल्या एका प्रश्नाला उत्तर देताना नाना पटोले म्हणाले की, अभ्यासक्रमात जर मनुस्मृतीचा समावेश केला तर ते अजिबात चालणार नाही, काँग्रेस ते कदापी खपवून घेणार नाही. सर्व तपासून यासंदर्भात पुढची पाऊले उचलू, असे नाना पटोले म्हणाले.
*****
Search
Social Media
Recent News
'विकसित भारत'चे भारताचे स्वप्न साकार करण्यासाठी SBI जागृती यात्रा 2024 च्या माध्यमातून ग्रामीण युवा उद्योजकांना सक्षम बनवते
Santosh Sakpal November 17, 2024
भारतात पिकलबॉल खेळाचा प्रसार करण्यासाठी 'Bingo!' आणि ऑल इंडिया पिकलबॉल असोसिएशनने केली हातमिळवणी
Santosh Sakpal November 12, 2024
किर्लोस्कर ब्रदर्सचा आर्थिक वर्ष २०२४-२५ च्या दुसऱ्या तिमाहीचा निकाल जाहीर
Santosh Sakpal November 06, 2024
Popular News
'स्कूल कॉलेज आणि लाईफ' द्वारे रोहित शेट्टीचे मराठी चित्रपटसृष्टीत पदार्पण
Santosh Sakpal March 22, 2023
breaking news: महाराष्ट्र भूषण पुरस्काराला गालबोट; सोहळ्यात उष्माघाताचे बळी, सात-आठ जणांचा मृत्यू
SANTOSH SAKPAL April 16, 2023
महापालिकेकडून पाणी शुल्काचा परतावा : अभ्युदयनगर सहकारी संस्थांच्या महासंघाच्या लढ्याला यश !
Santosh Gaikwad April 12, 2023
