मुंबई : सुप्रसिद्ध अभिनेते सीआयडी फेम श्री. शिवाजी साटम यांचा वार्तालाप मंगळवार, दि. १२ मार्च, २०२४ रोजी दुपारी २.०० वाजता मुंबई मराठी पत्रकार संघात आयोजित करण्यात आला आहे.

रंगभूमीवरून आपली अभिनय कारकिर्द सुरू केलेले शिवाजी साटम हे छोट्या पडद्यावरील सीआयडी मालिकेत एसीपी प्रद्मुम्न म्हणून खूप लोकप्रिय ठरले. त्यांचा ‘दया कुछ तो गडबड है’ हा डायलॉग आबालवृद्धांच्या मुखी दिसू लागला. हिंदी आणि मराठी सिनेमात देखील  साटम यांनी आपल्या अप्रतिम अभिनयाचा ठसा उमटवला आहे. त्यांच्याशी संवाद साधणे ही एक पर्वणीच ठरणार आहे. सदर कार्यक्रम सर्वांसाठी खुला आहे.