52, Municipal Ind. Estate,
Dainik Shivner Marg,
Worli, Mumbai - 400018 (India)
विनाकारण बदनामी करू नका.., खासदार रवींद्र वायकर यांचा संजय राऊतांना इशारा
Santosh Gaikwad June 18, 2024 06:45 PM
मुंबई, दि. १७ः लोकसभा निवडणुकीत सुमारे साडेचार लाख लोकांनी मतदान करून कायदेशीररित्या निवडून दिले. निवडणूक आयोगाने दिलेल्या निकालाविरोधात कोणतीही भूमिका घ्या, त्याबद्दल काहीही भाष्य करणार नाही. परंतु, विनाकारण माझी बदनामी करू नका, असे खडे बोल खासदार रवींद्र वायकर यांनी खासदार संजय राऊत यांना सुनावले. खोटा प्रचार थांबवा, असा इशाराही वायकर यांनी यावेळी दिला. वायकर दगाबाजी करून निवडून आले आहेत. नैतिकतेच्या आधारे त्यांनी खासदारकीची शपथ घेऊ नये, असे संजय राऊत यांनी ठणकावले होते. वायकर यांनी त्याला जोरदार प्रत्युत्तर दिले. मंगळवारी मनसे अध्यक्ष राज ठाकरे यांची भेट घेतल्यानंतर प्रसारमाध्यमांशी त्यांनी संवाद साधला.
शिवसेनेकडून ज्यावेळी उमेदवारी जाहीर झाली तेव्हा राज ठाकरेकडून पाठिंब्यासाठी भेट घेतली होती. आता निवडणुकीत विजय झाला. मनसेच्या कार्यकर्त्यांचा आणि पदाधिकाऱ्यांचे त्यात मोठे सहकार्य लाभले. या सहकार्याबद्दल त्यांचे आभार मानण्यासाठी राज यांना भेटलो. दरम्यान, वादात सापडलेल्या निकालावर भाष्य केले. वायकर म्हणाले की, मतमोजणीनंतर अमोल किर्तीकर यांची माफी मागितली. परंतु, विनाकारण मला लक्ष्य करून माझ्या विरोधात नकारात्मक वातावरण तयार केले जात आहे. माजी खासदार गजानन किर्तीकर यांनी देखील विरोधात भूमिका घेतली. मात्र, कामाच्या जोरावर मी विजयी झालो आहे. विरोधकांनी आता जय पराजय मोठेपणाने पचवायला शिकायला हवे, असे आवाहन वायकर यांनी केले. तसेच खासदारकीची शपथ म्हणजे ही काही आई- वडिलांची किंवा देवाची शपथ नाही, असा टोला त्यांनी लगावला. मी अल्कोहोलिक नाही वर्काहोलिक आहे, असा टोला देखील रवींद्र वायकर यांनी लगावला आहे. मशीन हॅक केल्याच्या आरोपावरून ही टीकास्त्र सोडले. मतमोजणी ठिकाणी मोबाईल घेऊन केल्याचा मुद्दाही त्यांनी खोडून काढताना, मोबाईल टॉवर तपासल्यास अनेकांकडे मोबाईल असल्याचे दिसून येईल. माझ्याविरोधात सुरू असलेला खोटा प्रचार थांबवा, असा इशाराही वायकर यांनी दिला.
-----------
Search
Social Media
Recent News
'विकसित भारत'चे भारताचे स्वप्न साकार करण्यासाठी SBI जागृती यात्रा 2024 च्या माध्यमातून ग्रामीण युवा उद्योजकांना सक्षम बनवते
Santosh Sakpal November 17, 2024
भारतात पिकलबॉल खेळाचा प्रसार करण्यासाठी 'Bingo!' आणि ऑल इंडिया पिकलबॉल असोसिएशनने केली हातमिळवणी
Santosh Sakpal November 12, 2024
किर्लोस्कर ब्रदर्सचा आर्थिक वर्ष २०२४-२५ च्या दुसऱ्या तिमाहीचा निकाल जाहीर
Santosh Sakpal November 06, 2024
Popular News
'स्कूल कॉलेज आणि लाईफ' द्वारे रोहित शेट्टीचे मराठी चित्रपटसृष्टीत पदार्पण
Santosh Sakpal March 22, 2023
breaking news: महाराष्ट्र भूषण पुरस्काराला गालबोट; सोहळ्यात उष्माघाताचे बळी, सात-आठ जणांचा मृत्यू
SANTOSH SAKPAL April 16, 2023
महापालिकेकडून पाणी शुल्काचा परतावा : अभ्युदयनगर सहकारी संस्थांच्या महासंघाच्या लढ्याला यश !
Santosh Gaikwad April 12, 2023
