मुंबई : सुप्रसिद्ध दिग्दर्शक, अभिनेते आणि निर्माते दिवंगत विनय आपटे ह्यांच्या १० व्या स्मृतिदिना निमित्त विनय आपटे प्रतिष्ठान तर्फे लघु चित्र (शॉर्ट फिल्म )  स्पर्धेचे आयोजन करण्यात आले आहे. यंदाच्या वर्षी ह्या शॉर्ट फिल्म्सना कोणत्याही विषयाचे बंधन नाही. कुठल्याही विषयावर शॉर्ट फिल्म्स पाठवता येतील. मात्र ती जास्तीत जास्त 20 मिनिटांची असावी.  त्यासाठी 25  वर्षा खालील  आणि 25 वर्षावरील  असे दोन वयोगट ठेवण्यात आले आहेत.  तसेच या शॉर्ट फिल्म्स मराठी, हिन्दी आणि इंग्रजी भाषेत पाठवता येतील. ह्या स्पर्धेत सादर होणार्‍या सर्व शॉर्ट फिल्म्स ह्या प्लानेट मराठी या ओटीटी चॅनेल वर दाखवण्यात येतील. 

प्रत्येक स्पर्धकाला केवळ एकच प्रवेशिका पाठवता येईल. दोन्ही गटातील सर्वोत्कृष्ट विजेत्यांना रोख पारितोषिके देण्यात येतील.  स्पर्धकांनी आपल्या प्रवेशिका vinayaptepratishthan@gmail.com ह्या संकेत स्थळावर दि १५ नोव्हेंबर  पर्यन्त पाठवायच्या आहेत. प्रवेश मूल्य रु 500 आहे. 

स्पर्धेतील दोन्ही गटात प्रत्येकी  प्रथम क्रमांकाच्या शॉर्ट फिल्मला रु १५,००/- द्वितीय क्रमांकाला १०,००० आणि तृतीय   क्रमांकाला रु ७,५०० /- अशी रोख पारितोषिके देण्यात येतील. 

या स्पर्धेसाठी परीक्षक म्हणून सुप्रसिद्ध दिग्दर्शक पुरुसोत्तम बेर्डे, दिग्दर्शिका प्रतिमा कुलकर्णी, दिग्दर्शक आणि ज्येष्ठ संकलक राजन वाघधरे, जाहिरात तज्ज्ञ भरत दाभोळकर , ज्येष्ठ चित्रपट  संकलक भक्ति मायाळू आणि सुप्रसिद्ध लेखिका  आणि गीतकार रोहिणी निनावे हे आहेत.