रायगडमध्ये एकूण सहा विधानसभा मतदार संघ येतात. पेण, अलिबाग, श्रीवर्धन, महाड, दापोली, गुहागर या मतदार संघाचा समावेश आहे. पेणमध्ये भाजपचे रविंद्र पाटील हे आमदार आहेत. अलिबागमध्ये  शिंदेंच्या शिवसेनेचे महेंद्र दळवी, महाडमध्ये शिंदे गटाचे भरत गोगावले तर दापोलीत शिंदे गटाचे योगेश कदम हे शिंदे गटाचे तीन आमदार आहेत  श्रीवर्धनमध्ये राष्ट्रवादी अजित पवार गटाच्या अदिती तटकरे या आमदार आहेत.  तर गुहागरमध्ये भास्कर जाधव हे शिवसेना ठाकरेंचे एकमेव आमदार आहेत. शिवसेना आणि राष्ट्रवादी काँग्रेसमध्ये फूट पडल्यानंतर रायगडमधील राजकीय समीकरणं बदलली आहेत. रायगड जिल्हयातील शिवसेनेचे २०१९ ला विजयी झालेले तिन्ही आमदार हे मुख्यमंत्री एकनाथ शिंदे यांच्यासोबत आहेत. सध्या महायुतीकडे पाच आमदार आहेत तर महाविकास आघाडीकडे एक आमदार आहे. त्यामुळे रायगडमध्ये महायुतीची ताकद अधिक असल्याचे दिसून येत आहे.