पुणे : राष्ट्रवादी शरदचंद्र पवार पक्षाचे प्रमुख शरद पवार यांची आज शिरूर लोकसभेत सांगता सभा पार पडली या सभेला शरद पवार यांनी संबोधीत करताना मोदींवर टीका केली. गांधीजींनी इंग्रजांना घालवलं मोदी काय चीज आहेत असा हल्लााबोल शरद पवार यांनी केला 

शिरूरचे उमेदवार डॉ अमोल कोल्हे यांच्यासभेसाठी शरद पवार हे उपस्थित होते त्यावेळी शरद पवार यांनी नरेंद्र मोदींवर निशाणा साधला. पवार म्हणाले की, राहुल गांधी यांची टिंगळ टवाळकी मोदी शहा करत आहेत असा आरोप त्यांनी केला देशासाठी नरेंद्र मोी यांचे योगदान काय आहे असा जबाही त्यांनी विचारला. 

  शरद पवार म्हणाले की,  इंग्रजांनी आपल्यावर वर्षानूवर्षे राज्य केलं. त्यांचं राज्य घालवण्यासाठी संपवण्यासाठी देशातले कोट्यवधी लोक गांधींच्या विचाराने एकत्र आले आणि इंग्रजांची सत्ता घालवण्यात यशस्वी झाले. त्या इंग्रजांना गांधींनी घालवलं तर हे नरेंद्र मोदी काय चीज आहे? अशी बोचरी टीका शरद पवार यांनी केली.

पंतप्रधान नरेंद्र मोदी घराणेशाई आणि गांधी परिवारावरून नेहमी टीका आणि आरोप करत असतात. पण, शरद पवार यांनी भाषणा दरम्यान राहुल गांधी यांचं आणि गांधी परिवाराचं तोंड भरून कौतुक केलं. शरद पवार म्हणाले, एक तरुण देशभरात पद यात्रा करत फिरत आहे. देशाला एक संघ ठेवण्यासाठी प्रयत्न करत आहे. संविधान टिकवण्यासाठी प्रयत्न करत आहे. त्याच्यावर पंतप्रधान नरेंद्र मोदी आणि अमित शहा त्याची टिंगल टवाळकी करत आहेत. गांधी आणि नेहरू परिवाराने देशाच्या स्वातंत्रासाठी मोठं योगदान दिलं. नरेंद्र मोदी यांनी देशासाठी काय केलं, असा थेट सवाल ही शरद पवारांनी केला.