मुंबई, दि. २७ः लोकसभा निवडणुकीत राज्यात मिशन ४५ साठी शिवसेनेने जोर लावला आहे. या पार्श्वभूमीवर सेनेने ४० स्टार प्रचारांची यादी जाहीर केली. पंतप्रधान नरेंद्र मोदी, गृहमंत्री अमित शहा, मुख्यमंत्री एकनाथ शिंदे, भाजपचे अध्यक्ष जे. पी. नड्डा यांच्यासह अनेक महायुतीतील बड्या नेत्यांचा प्रचारकांच्या यादीत समावेश केला आहे. हे नेते शिवसेनेच्या उमेदवारांचा प्रचार करतील, असे शिवसेना मध्यवर्ती कार्यालयाने प्रसिद्ध केलेल्या निवेदनात म्हटले आहे. मात्र स्टार प्रचारकाच्या यादीत शिवसेना शिंदे गटाचे लोकसभेतील गटनेते राहुल शेवाळे यांचं नाव या यादीत नाही. त्यामुळे अनेकांच्या भुवया उंचावल्या आहेत.