माथेरान : माथेरानच्या मातीत वीर हुतात्मा भाई कोतवाल क्रिडा संकुलात याहीवर्षी क्रीडा प्रेमींना, पर्यटकांना त्याचप्रमाणे स्थानिक नागरिक, आदिवासी बांधवांना अश्वशर्यतींचा थरार ह्या साहसी खेळाचे मनोरंजन दि.२० आणि २१ मे रोजी पहावयास मिळणार आहे.

 

 

माथेरान मध्ये येणाऱ्या पर्यटकांना मनोरंजनासाठी अन्य पर्यटनस्थळाच्या तुलनेत काही सुविधा उपलब्ध नाहीत.याकामी माथेरान युथ सोशल क्लबचे संस्थापक प्रदीप दिवाडकर यांचे सुपुत्र माथेरान युथ सोशल क्लबचे अध्यक्ष प्रशाम प्रदीप दिवाडकर यांनी अश्वशर्यतींचे आयोजन केले आहे. यामध्ये ट्रॉटिंग रेस, भाला रेस, बॉल अँड बकेट,रिले रेस तसेच अन्य शर्यतींचा समावेश आहे.सुट्टयांच्या हंगामात पर्यटकांसाठी ही एक पर्वणीच ठरणार आहे. या शर्यतीत मुंबई येथील माथेरान प्रेमी हौशी  घोडेस्वार आवर्जून हजेरी लावतात. ह्या शर्यतीचा दोन दिवसीय थरार पाहण्यासाठी शर्यतीच्या माध्यमातून पर्यटन वाढून अनेकांना रोजगाराच्या संधी उपलब्ध होण्याची शक्यता नाकारता येत नाही.या अद्वितीय कार्यक्रमात माथेरान युथ सोशल क्लबचे पदाधिकारी यांचे सहकार्य प्रशाम दिवाडकर यांना लाभते.