टीटीके प्रेस्टिजकडून आधुनिक होम कूक्‍ससाठी बहुउद्देशीय प्रेशर कूकर 'ट्राय-प्‍लाय फ्लिप ऑन स्‍वच्‍छ' लाँच

Santosh Sakpal July 24, 2023 11:17 PM

MUMBAI : - टीटीके प्रेस्टिज या आघाडीच्‍या टिकाऊ, नाविन्‍यपूर्ण व वैविध्‍यपूर्ण किचन अप्‍लायन्‍सेस कंपनीने त्‍यांचे नवीन उत्‍पादन ट्राय-प्‍लाय फ्लिप ऑन स्‍वच्‍छ लाँच केले आहे. हा बहुउद्देशीय प्रेशर कूकर वापरकर्त्‍यांना स्‍वादिष्‍ट भोजन तयार करण्‍यास सक्षम करतो आणि जेवण करण्‍याची प्रक्रिया कार्यक्षम, सुरक्षित व आनंददायी करतो.

होम कूक्‍सना वेगवेगळे खाद्यपदार्थ एकसमान चवींसह बनवण्‍याची इच्‍छा असते, तसेच स्‍वादिष्‍ट भोजन बनवण्‍यामध्‍ये वेळ व ऊर्जा द्यावी लागते. 'ट्राय-प्‍लाय फ्लिप ऑन स्‍वच्‍छ'सह वापरकर्त्‍यांना पुलाव ते स्‍वादिष्‍ट रस्‍सा बनवण्‍यापर्यंत सर्व खाद्यपदार्थ समान चवींसह बनवले जाण्‍याची खात्री मिळते, तसेच त्‍यांना त्‍यांची पाककृती परिपूर्ण होण्‍यास मदत होते. या प्रेशर कूकरचे खास वैशिष्‍ट्य म्‍हणजे त्‍याची टिकाऊ ट्राय-प्‍लाय बॉडी, जी प्रत्‍येक वेळी परिपूर्ण भोजनासाठी एकसमान उष्‍णता प्रसारित होण्‍याची खात्री देते.

बहुउद्देशीय प्रेशर कूकर ट्राय-प्‍लाय फ्लिप ऑन स्‍वच्‍छ कोणत्‍याही किचनमध्‍ये वैविध्‍यपूर्ण भर आहे. याची कार्यक्षमता प्रेशर कूकिंगपेक्षा अधिक आहे, ज्‍यामधून वापरकर्त्‍यांना डीप फ्राय पदार्थांपासून काहीशा तळलेल्या पदार्थांपर्यंत कोणत्‍याही प्रकारचे कूकिंग करता येते. यामुळे वेळेची बचत होते आणि विविध कूकवेअर वापरण्‍याचा त्रास दूर होतो. अनुकूल सुविधा देत कूकर गॅस व इंडक्‍शन कूकटॉप्‍सशी सुसंगत आहे, ज्‍यामुळे विविध घरातील विविध गरजांची आणि विविध कूकिंग स्‍टाइल्‍सची पूर्तता होते. 

उत्तम कूकिंग सवयींना अधिक पुढे नेत ट्राय-प्‍लाय फ्लिप ऑन स्‍वच्‍छ किचनमध्‍ये स्‍वच्‍छता राखण्‍यास मदत करते आणि साफसफाई करण्‍याच्‍या वेळेची बचत होते. झाकणाची खास डिझाइन गळतीवर नियंत्रण ठेवते, ज्‍यामुळे ती सहज सफाईचा अनुभव देते. किचनमध्‍ये एकाच वेळी विविध काम करण्‍यासोबत विविध उपकरणांची हाताळणी केली जाते. अशा स्थितीमध्‍ये कूकवेअरचा सुलभ वापर आवश्‍यक बनतो. या कूकरमध्‍ये आगळेवेगळे फ्लिप ऑन हँडल आहे, जे अधिक सुविधा व एर्गोनॉमिक कार्यक्षमतेसाठी सिंगल-हँडेड ऑपरेशनची खात्री देते.

ट्राय-प्‍लाय फ्लिप ऑन स्वच्‍छ विविध गरजांच्‍या पूर्ततेसाठी विविध क्षमतांमध्‍ये उपलब्‍ध आहे. २-लीटर (१८ सेमी) मॉडेलची किंमत ४६८० रूपये आहे, ३-लीटर (१८ सेमी) मॉडेलची किंमत ४९५० रूपये, ३-लीटर (२२ सेमी) मॉडेलची किंमत ५३९० रूपये आणि ५-लीटर (२२ सेमी) मॉडेलची किंमत ५८२० रूपये आहे. या पर्यायांसह ग्राहक त्‍यांच्‍या कूकिंग गरजांना अनुसरून योग्‍य आकाराची निवड करू शकतात.