ज्येष्ठ पत्रकार राही भिडे यांनी त्यांच्याविषयी बोलताना सांगितले की,  गेल्या ३० ते ३५ वर्षापासून आमच्या दोघींची जिवलग मैत्री  होती. त्यानंतर मैत्रीचे रूपांतर कौटूंबिक संबधात झाले. तिच्या अकाली निधनाची बातमी ऐकून मोठा धक्का बसला.  मी लोकमत मध्ये काम करीत असतानाच पहिल्यांदाचा सुजाताची भेट झाली. त्यानंतर आम्ही दोघींनी एकत्रीत पत्रकारिता केली. ती इंग्रजी भाषेत करायची आणि मी मराठीत बातम्या करायचो. ठिकठिकाणी आम्ही एकत्रीत जायचो आणि बातम्या करायचो.  आम्ही दोघी काम संपल्यावर घरी जायला निघायचो तेव्ही सहकारी पत्रकार नेहमी म्हणायचे दो बिचारे बिना सहारे.. या आठवणींना त्यांनी उजाळा दिला. सुजाता हि  स्पष्टवक्ता स्वभावाची होती. तिला वाचनाची खूप आवड होती. इंग्रजीवर तिचे प्रभुत्व होते. पुस्तक लिहिण्याचे काम सुरू होते पण ते अपूर्ण राहिले आहे. आपल्या कामावर तिची खूप निष्ठा होती. माझया " माध्यमांच्या पटावर " या पुस्तक प्रकाशनाच्या सोहळयात तिने हजेरी लावून भाषणही  केले. काही दिवसांपूर्वीच तिच्याशी फोनवर बोलणे झाले. मात्र तिच्या आवाजावरून वाटलं नाही. ती आजारी आहे. तिच्या निधनाची बातमी ऐकून आमच्या ३५ वर्षाच्या मैत्रीतील सगळया आठवणींना डोळयासमोर तरळल्या. खूपच दु:खदायक, वेदनादायक बातमी आहे असे राही भिडे म्हणाल्या