मुंबई :  अठराव्या लोकसभेच्या निवडणुकीसाठी  को-ऑपरेटिव्ह बँक एम्प्लॉइज युनियन मुंबई दादर येथील मध्यवर्ती कार्यालयात युनियनचे अध्यक्ष माजी खासदार शिवसेना नेते आनंदराव अडसूळ यांच्या अध्यक्षतेखाली मुंबईतील को-ऑपरेटिव्ह बँकेच्या कर्मचारी अधिकारी यांची एकत्रीत एक बैठक आयोजित करण्यात आली होती. विकसित भारताच्या संकल्पपूर्तीसाठी महायुतीच्या सर्व उमेदवारांना मतदान करा असे आवाहन माजी खासदार, शिवसेना नेते आनंदराव अडसूळ यांनी बैठकीत केले. 

 मुंबईतील सर्व सहा लोकसभा मतदार संघातील महायुतीचे उमेदवार पियुष गोयल, रवींद्र वायकर, अँड उज्जवल निकम, राहुल शेवाळे,  यामिनी जाधव मिहिर कोटेचा यांच्यासाठी आपण सर्वांनी तन आणि मन लावून आपल्या जवळील मित्र, हितचिंतक नातेवाईक शेजारी असलेल्या अनेकांना मतदान करण्यासाठी उद्युक्त करावे असेही अडसूळ यांनी सांगितले. 

यावेळी अडसूळ यांनी   देशाचे पंतप्रधान नरेंद्र मोदी यांनी मागील दहा वर्षाच्य कारकीर्दीत केलेल्या अभूतपूर्व अशा कार्याचा आढावा घेतला. आपल्या देशाची मान आणि शान जगाच्या पाठीवर कशा प्रकारे उंचावली याबाबत त्यांनी सांगितले.  भविष्यात आपल्या देशाला विकसीत भारत देश असे स्वप्न साकार करण्याचे आहे. यासाठी सर्वांनी आपलं मत हे महायुतीला देण्यासाठी आग्रह करावा असे सांगितले.  को ऑपरेटिव्ह बँक एम्प्लॉइज युनियनच्या वतीने ठाणे पालघर भिवंडी कल्याण या लोकसभा मतदार संघातील उमदेवारासाठी सुध्दा युनियनच्या वतीने ठाणे येथे बैठक आयोजित केली हेाती

व्यासपीठावर  युनियनचे कार्याध्यक्ष सुनील साळवी ठाणे युनियन सरचिटणीस प्रदीप पाटील सिंधुदुर्ग जिल्हा युनियन कार्याध्यक्ष विष्णू तांडेल कोषाध्यक्ष प्रमोद पार्टे तसेच मुंबई युनियनचे सर्व सदस्य उपस्थित होते.