मुंबई : गेल्या महिनाभरात वर्षा बगंल्यात आणि मंत्रालयाच्या सहाव्या मजल्यावर राजकीय बैठकांच्या नावाखाली गुंड टोळयाच्या म्होरक्यांसोबत बैठका घेतल्या जता आहेत. मुंबईतील एक माजी पोलीस अधिकारी हे घडवून आणत आहे   असा खळबळजनक आरोप वज शिवसेना ठाकरे पक्षाचे खासदार संजय राऊत यांनी पत्रकारांशी बोलताना केला.  

 
 राज्याचे मुख्यमंत्री एकनाथ शिंदे आणि त्यांचे पूत्र खासदार डॉ श्रीकांत शिंदे तसेच राज्याचे उपमुख्यमंत्री अजित पवार यांचे पूत्र पार्थ पवार यांचे गुंडासोबतचे फोटो प्रसिध्द झाल्याने राज्याच्या राजकारणात खळबळ उडाली आहे. त्यावरून संजय राऊत यांनी सरकारला धोरवर धरले आहे. आज मी एक फोटो टाकलाय,तसा मी रोज टाकणार आहे असा इशाराही राऊत यांनी दिला. 

अजित पवारांचे चिरंजीव एका गुंडाला भेटतात. मुख्यमंत्र्यांच्या चिरंजीवांच्या वाढदिवसाला शुभेच्छा देण्यासाठी गुंडांची रांग लागली आहे. कल्याणमध्ये आमदार गोळीबार करत आहेत. आज मी एक फोटो टाकलाय,तसा मी रोज टाकणार आहे असा इशाराही राऊत यांनी दिला. 

 पोलिस स्टेशनमध्ये त्यांचे आमदार गोळीबार करत आहेत, या सगळ्या विषयांवर पंतप्रधान मोदी काही बोलले का ? त्यावर त्यांचं मौन का ? असा सवाल संजय राऊत यांनी विचारला. देशातील समस्यांवर मोदी काहीच बोलले नाही. तासाभराच्या भाषणात निम्मा वेळ तर मोदी फक्त काँग्रेसवर टीका करत होते. नेहरू, इंदिरा गांधीवर टीका करत राहिले. काँग्रेसच्या भीतीतून मुक्त व्हा असा सल्ला देत संजय राऊत यांनी पंतप्रधान मोदी आणि सरकारवर निशाणा साधला.