अहमद शहा अब्दालीचा राजकीय वंशज : उद्धव ठाकरे यांची टीका

Santosh Gaikwad August 03, 2024 11:55 PM



पुणे :  शिवसेना ठाकरे पक्षाचे प्रमुख, माजी मुख्यमंत्री उद्धव ठाकरे यांनी पुण्याच्या सभेत देशाचे हगृहमंत्री अमित शहा यांच्यावर जहरी टीका केली.  अहमद शहा अब्दालीचा राजकीय वंशज आहे अशी टीका केली. ठाकरे  म्हणाले,  अमित शाह आला होता. तोही शाहच होता. तो अहमद शाह होता हा अमित शाह आहे. तो वळवळायला आला होता. आम्हाला हिंदुत्व शिकवता. तुम्ही नवाज शरीफची केक खाणारी औलाद तुमच्याकडून आम्ही हिंदुत्व शिकायचं” अशी घणाघाती टीका उद्धव ठाकरे यांनी केली. 

 पुणे येथे पक्षाच्या मेळाव्यात ठाकरे यांनी ठाकरे शैलीत शहा आणि भाजपवर टीका केली.   “सगळीकडे खड्डे आहेत. गडकरी म्हणत होते असे रस्ते बांधीन की दोनशे वर्ष खड्डाच पडणार नाही. मुंबई गोवा मार्ग बघा. सगळीकडे खड्डेच खड्डे आहेत. त्याचे फोटो काढा आणि त्यांना खड्डा पुरुष पुरस्कार द्या, टरबूज जाऊ द्या हो. त्याला खड्ड्यात घाला” अशी टीका उद्धव ठाकरे यांनी केली.


“संसद गळत आहे, ज्याने संसद बांधली. तोच या नदीवर काम करत आहे. कंत्राटदार माझा लाडका सुरू आहे. तोही गुजरातचा आहे. वर्षही झालं नाही संसद बांधून. ती गळायला लागली. मोदी काँग्रेसकडे 70 वर्षांचा हिशोब मागत आहेत. 70 वर्षात काय केलं. तुमने क्या किया विचारत आहात. ते काय विचारता. तुम्ही 12 महिन्यापूर्वी बांधललेली संसद गळत आहे. राम मंदिर गळत आहे. पेपर लिक होत आहे. त्याचा हिशोब द्या. मग काँग्रेसला विचारा. हे गळती सरकार आहे. आम्ही यांना पाठिंबा दिला होता. हे आमचं पाप होतं” असं उद्धव ठाकरे म्हणाले.