मुंबई : महाराष्ट्रातील अनेक जिल्ह्यांना अवकाळी पावसाचा तडाखा बसला आहे. मात्र, त्याचवेळी राज्यातील उन्हाचा कडाका वाढू लागला आहे. होळीनंतर महाराष्ट्रात तापमानात वाढ होऊन कडक उन्हाळा जाणवेल पुढचे चार दिवस तापामानात वाढ होण्याची शक्यता असून काळजी घेण्याचे इशारा हवामान विभागाने दिला आहे २७ मार्चपर्यंत मुंबई पुणे आणि विदर्भासह राज्याच्या अनेक भागात उन्हाची काहिली वाढण्याची शक्यता आहे.

कोकण मध्य महाराष्ट्र मराठवाडा आणि विदर्भात कोरडे हवामान आहे त्यातच दक्षिण भारताकडून महाराष्ट्राकडे उषणवारे वाहत आहेत त्यामुळे उन्हाचा कडाका वाढू लागला आहे सकाळी दहा वाजल्यापासूनच उन्हाच्या झळा बसू लागल्या आहेत 

महाराष्ट्र, छत्तीसगड आणि बिहार या तीन राज्यांत मार्च महिन्यातील तापमान वाढ थेट ४० अंश सेल्सियस नोंदवण्यात आले आहे. विदर्भात तापमानाचा पारा ४० अंश सेल्सिअसच्या पार गेला असून होळीनंतर तापमानात आणखी वाढ होण्याची शक्यता भारतीय हवामान खात्याने वर्तवली आहे.

• उन्हात बाहेर जाताना गॉगल, रुमाल किंवा टोपी वापरा.
• फिकट रंगाचे, सैल आणि सुती कपडे घाला.
• पचायला हलका, कमी आहार घ्यावा आणि भरपूर पाणी प्यावे.  
• टरबूज, खरबूज, संत्री, मोसंबी, केळी, काकडी अशा फळांचे सेवन करा.
• नारळ पाणी, उसाचा रस, कोकम सरबत, नीरा तसेच फळांचा ताजा रस  घ्यावा, जेवनानंतर ताक ही घ्यावे.
• घर थंड ठेवा, पडदे, शटर किंवा सनशेड वापरा आणि रात्री खिडक्या उघडा ठेवा.
• उन्हाळ्यात बचाव करण्यासाठी ओआरएस, लस्सी, तोराणी (तांदूळ पाणी), लिंबू पाणी, ताक, नारळपाणी इत्यादी घरगुती पेये नियमितपणे प्या. यामुळे शरीराला पुन्हा 'हायड्रेट' करण्यास मदत होते.