ओबीसी बहुजन पार्टीचा जाहीरनामा : मागासवर्गीयांच्या घटनात्मक अधिकारांचे आणि ओबीसींच्या आरक्षणाचे संरक्षण..., प्रकाश शेंडगेंच्या घोषणा !

Santosh Gaikwad April 18, 2024 08:49 AM

•  केंद्र शासनास जातनिहाय जनगणना करण्यास भाग पाडणार.
•  सर्व मागासवर्गीयांच्या घटनात्मक अधिकारांचे आणि ओबीसींच्या आरक्षणाचे पूर्णतः संरक्षण केले जाईल.
•  सामाजिकदृष्ट्या प्रस्थापित वर्गाची ओबीसी आरक्षणातील असंविधानिक घुसखोरी रोखली जाईल.
•  कुणबी नोंद असलेल्या प्रस्थापितांच्या सगेसोयऱ्यांना सरसकट जात प्रमाणपत्र देणारी अधिसूचनेला तीव्र विरोध करणार 
• ५४ लाख कुणबी नोंदींच्या आधारे प्रस्थापित वर्गाला दिले जाणारे कुणबी जातीचे दाखले राज्यशासनाला रद्द करायला लावणार.
•  मराठा कुणबी आणि कुणबी मराठा समाजाचा ओबीसीत समावेश करणारा शासन निर्णय रद्द करण्यास भाग पाडणार.
• ओबीसी, भटके-विमुक्त समाजाला जाचक असलेली क्रीमी लेयरची अट रद्द करण्यासाठी संसदेत आवाज उठवणार.
•  विमुक्त, घुमंतु आदिवासी समाजासाठीच्या इदाते कमिशनच्या शिफारशी लागू कराव्यात यासाठी प्रयत्न करणार.
•  खाजगी उद्योग व्यवसायात आरक्षणाचे धोरण लागू करण्यासाठी केंद्र शासनावर दबाव टाकणार
•   शिक्षणावरील आर्थिक तरतूद दुप्पट करुन अंगणवाडी ते पदवीपर्यंत मोफत, गुणवत्तापूर्ण व दर्जेदार शिक्षण देण्यासाठी प्रयत्न करणार 
•  ओबीसी, भटके-विमुक्त, एससी व एसटी वर्गासाठी स्वतंत्र मतदार संघाची मागणी करण्यात येईल.
  
•  जातींवरील अत्याचार रोखण्यासाठी ट्रॉसिटी कायद्याची व्याप्ती वाढवून ओबीसी व भटके-विमुक्तांसाठी लागू होण्यासाठी प्रयत्न करणार
•   भ्रष्टाचार व महागाईला आळा घालण्यासाठी कडक धोरण राबविले जाईल.